+7 (777) 001 44 99
Қазақша
Русский
English
18 тамыз 2022 | 12:23
Алматы әкімі "Жайсаң" тұрғын үй кешенін сүруге қатысты пікір білдірді
Алматы әкімі Ерболат Досаев "Жайсаң" тұрғын үй кешенін бұзуға қатысты жағдайға пікір білдірді, - деп хабарлайды Tengrinews.kz тілшісі.
ПОДЕЛИТЬСЯ
Алматы әкімі Ерболат Досаев "Жайсаң" тұрғын үй кешенін бұзуға қатысты жағдайға пікір білдірді, - деп хабарлайды Tengrinews.kz тілшісі.
Наурызбай ауданы тұрғындарымен кездесуде заңгер мен "Жайсаң" тұрғын үй кешенін салушылар өкілі қала әкіміне сауал қойды.
"Жоба мақұлданбаған, мемлекеттік органдар ол жерде рұқсатсыз заңсыз құрылыс жүргізіліп жатыр деген сылтаумен неге жаңадан рұқсат бермейді. Неге жаңадан рұқсат беруге болмайды", - деп сұрады заңгер, "Жайсаң" тұрғын үй кешенін салушы өкілі.
Қала құрылысы және урбанистика бөлімінің басшысы Алмасхан Ахмеджанов сәулет-жоспарлау тапсырмасы бір ғимарат салуға берілгенін айтты.
"Басқа нысанның құжаттары болған жоқ. Құрылыс салушының өзі рұқсатты қайтарып алды, бірақ сол уақытта құрылысты бастап кеткен. Нормативтік құқықтық актілерге сәйкес, алдын ала рұқсаттары, оның ішінде мемлекеттік сараптамасы жоқ нысандар рұқсат етілмеген құрылыс нысандарына жатқызылады. Сондықтан, Әкімшілік кодекс бойынша бұзу мәселесі қаралды. Сот тиісті шешім шығарды", - деп жауап берді Ахмеджанов.
Мұнан соң Алматы әкімі Ерболат Досаев мәселені құқықтық салада шешуді ұсынды.
"Сот шешіміне қарсы шыққыларыңыз келсе, апелляциялық шағым түсіріңіз. Егер апелляциядан кейін сот бізге сәулет-жоспарлау тапсырмасы бойынша келісім беруді тапсырса, оны өз тарапымыздан орындаймыз", - деп сендірді әкім.
Еске салайық, бұған дейін Алматыда заңсыз салынған "Жайсаң" тұрғын үй кешені сүрілетіні хабарланған болатын. Бұл нысан Наурызбай ауданындағы "Ақжар" шағынауданында салынған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
