Алматы әкімдігі Ерболат Досаевтың атынан фейк аккаунттар ашылып жатқанын хабарлады

Алматы әкімдігінің баспасөз қызметі Ерболат Досаев қала әкімі болып тағайындалғаннан кейін әлеуметтік желілерде әкімнің атымен жалған аккаунттар ашылып жатқанын хабарлады, - деп хабарлайды Tengrinews.kz тілшісі.

Мәлімдеме әкімдіктің Facebook парақшасында жарияланды.

"Алматы қаласы әкімінің атын қолданып, әлеуметтік желілерде аккаунттардың жаппай пайда болуына байланысты, бұл профайлдардың жалған екенін және қала әкімі Ерболат Досаевқа еш қатысы жоқ екенін хабарлаймыз.

Осыған орай тек ресми ақпарат көздеріне сенім білдіруді сұраймыз", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!