Алматы әкімдігі жүргізушілерге үндеу жасады

Алматы әкімдігінің коммуналдық инфрақұрылымды дамыту басқармасы алдағы күндері ауа райының күрт суытатынына байлнасыты көлік жүргізушілеріне үндеу жасады, - деп хабарлайды Tengrinews.kz тілшісі.

"Құрметті алматылықтар! "Қазгидромет" РМК мәліметінше, бүгін, 8 қарашада Алматыда күндіз қатты жаңбыр жауып, көктайғақ болады. 8 қарашадан 9 қарашаға қараған түнде ауа температурасы -1 градусқа дейін төмендейді. Жолдардағы қауіпсіздікті қамтамасыз ету мақсатында жүргізушілерге жазғы дөңгелектерді қысқы дөңгелектерге дер кезінде ауыстыруды ұсынамыз", - делінген хабарламада.

Сондай-ақ, ауа райының нашарлауына байланысты жүргізушілерді жолда сақ болуға және жол ережелерін қатаң сақтауға, өздерінің бағыттарын алдын ала жоспарлауға шақырды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!