Алматы әкімдігі мемориалға жіберілмеген ардагерден кешірім сұрады

Алматы әкімдігінің өкілдері 90 жастағы ардагерден кешірім сұрады, - деп хабарлайды Tengrinews.kz тілшісі.

Мұның алдында әкімдіктегілердің ардагерге мемориал ескерткішке гүл қоюға рұқсат бермегені хабарланған еді. Осы жағдайдан кейін қала әкімдігінің өкілдері Ұлы Отан Соғысының ардагердің үйіне келіп, кешірім сұрады. 

"Біз кінәліміз, кешірім сұраймыз. Коронавирусқа байланысты осылай болып қалды", - деді Алматы қаласы Қоғамдық даму басқармасы басшысының орынбасары Айдар Есенбеков.

Кейінірек олар ардагерге ескерткішке гүл қоюға рұқсат берген.

Еске салайық, мұның алдында әлеуметтік желілерде ардагерді ескерткішке өткізбей қойғаны түсірілген сәттің видеосы тараған еді. Видеода ескерткішке өте алмаған ардагердің гүлді әкімдіктегілердің қолына ұстатып, кетіп қалғаны көрінеді.

Видеоны куәгерлер түсірген.

Алматы ардагерлері сайтындағы мәліметтерге сүйенсек, Абдулов Иван Акимович 1930 жылы дүниеге келген. Бүгінде ол жалғыз тұрады екен.

Қазақстан жаңалықтары. Соңғы жаңалықтар. Telegram желісінде бізге жазыл!