Алматы әуежайында такси бағалары көрсетілген баннерлер орнатылды

Алматы халықаралық әуежайында такси құны шамамен қанша болатыны және ресми қызметтердің нөмірлері жазылған баннерлер орнатылды, - деп хабарлайды Tengrinews.kz тілшісі almaty.tv сайтына сілтеме жасап.

Қалалық туризм басқармасы мәліметінше, бұл туристерді жөнсіз жүргізушілерден қорғайды. Расында да, кейінгі уақытта такси жүргізушілерінің алаяқтық деректері жиілеп кетті.

Еске салайық, бұған дейін жеке такси жүргізушілерінің бірі Германиядан келген туристен сапар үшін 200 000 теңге талап еткен. Кейін ол қаланың үндістандық қонақтарын алдап, 350 000 теңге ақша сұраған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!