Алматы автобусында жасөспірім қалта ұрысын ұстады

Алматыда оқушы автобуспен үйіне қайтып бара жатқанда қалта ұрысын ұстап алды. Бұл оқиғаны Facebook қолданушысы Шынар Жәнібекова парақшасында жазған, - деп хабарлайды Tengrinews.kz тілшісі. 

"Ұлым автобуспен мектептен қайтып келе жатқан. Біреу қалтасына қол сұғып жатқанын сезген. Ол тез түсініп, ұрыны ұстап алды, алайда сырт киімі жыртылып қалды", - деп жазған анасы. 

Оның айтуынша, жүргізуші автобусты тоқтатып, жағдайға араласқан. Баланы тыңдап, ұрының қалталарын тексергенде 4 ұялы телефонын тапқан. Кейін жолаушылар заттарын танып, өзіне қайтарған. 

"Достар, сақ болыңыздар және өзіңізге қарап жүріңіздер!" - деп жазған Шынар Жәнібекова.