Алматы қалалық денсаулық сақтау басқармасы Аида Букееваның үндеуіне жауап берді

Алматы Қоғамдық денсаулық сақтау басқармасы ерікті-медбике Аида Букаеваның дәрі-дәрмектерді жеткізу туралы үндеуіне жауап берді, - деп хабарлайды Tengrinews.kz тілшісі.

"Аида Букаеваның әлеуметтік желілерінде жарияланымына қатысты мынаны хабарлаймыз. Психикалық денсаулық орталығы базасында 7 шілдеден бастап коронавирусты инфекциямен ауыратын науқастарға арналған провизорлық стационар ашылды", - деп хабарлады басқармадағылар.

Қазіргі уақытта дәрі-дәрмекпен қамтамасыз ету қаланың басқа клиникаларынан дәрілік препараттарды қайта бөлу арқылы жүзеге асырылады.

"Өкінішке орай, бірқатар препарат бойынша тапшылық бар. Қажетті өтінім "СҚ-Фармацияның" Бірыңғай дистрибьюторы атына жіберілді. Бірқатар дәрі-дәрмекті жеткізуде кемшілік бар", - деп толықтырды басқармадағылар.

Еске салайық, волонтер-медбике Аида Букаеваның үндеуі Facebook желісінде жарияланған. Ол үндеуінде ауруханаларда ешқандай да дәрі-дәрмек жеткізіліп жатпағанын мәлімдеген болатын. Кейін оның бұл сөзіне денсаулық сақтау министрі Алексей Цой жауап берген. 

Қазақстан жаңалықтары. Соңғы жаңалықтар. Telegram желісінде бізге жазыл!