Алматы қалалық сотының судьясы қайтыс болды

Алматы қалалық сотының судьясы Біржан Кәрібжанов сот отырысынан кейін кенеттен қайтыс болды. Бұл туралы Жоғарғы Сот жанындағы Соттардың қызметін қамтамасыз ету департаменті басшысының орынбасары Елдос Жұмақсанов Facebook-те жазды, - деп хабарлайды Tengrinews.kz тілшісі.

"Бүгін Алматы қалалық сотының судьясы, досым және әріптесім Біржан Кәрібжанов сот отырысынан шыққаннан кейін есінен танып қалған. Өкінішке орай, дәрігерлер оны құтқара алмады. Иманды болсын. Ол небәрі 50 жаста еді", - деп жазды Жұмақанов.

Ол судья Біржан Кәрібжановтың Абай өлеңдерін оқып жатқан видеосын да бөлісті.

Tengrinews.kz редакциясы Біржан Кәрібжановтың отбасы мен жақындарына көңіл айтады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!