+7 (777) 001 44 99
Қазақша
Русский
English
18 қазан 2018 | 11:04
Алматы көлік жүйесін реформалау бойынша Еуропалық форумда 1-орын иеленді
Алматы Люблянда өткен ақылды қалалардың Smart city-2018 Еуропалық форумында көлік жүйесін кешенді реформалау бойынша 1-орын иеленді, - деп хабарлайды Tengrinews.kz тілшісі қала әкімдігінің сайтына сілтеме жасап.
ПОДЕЛИТЬСЯ
Алматы Люблянда өткен ақылды қалалардың Smart city-2018 Еуропалық форумында көлік жүйесін кешенді реформалау бойынша 1-орын иеленді, - деп хабарлайды Tengrinews.kz тілшісі қала әкімдігінің сайтына сілтеме жасап.
Әкімдіктегілердің мәліметінеш, 50 үздік әлемдік практика мен инновациялық жобалардың финалдық үштігіне "Анкара парк" туристік жобасымен түрік астанасы Анкара мен "Сава өзеніне тұрғындардың оралуы" бағдарламасымен хорваттың Загреб қаласы да енді.
Конкурс комитеті Алматының қоғамдық көліктегі табыстың ашықтығына цифрлық технологияны пайдалануы, оның әртүрлігі мен қолжетімділігі, сарапшылар мен бизнестің қатысуы, МЖӘ механизмінің ұтымды қолданылуы, экологияны жақсартуға басымдылық беруі сынды басты критерийлерді атап өтті. Айта кетерлігі, биыл қалада автобус парктерін жаңарту деңгейі 80 пайызға жетеді. Жеке инвестиция есебінен үшінші буындағы электробустар шығаратын автобус паркі мен зауыт салынды. Электробустарды қала бағыттары бойынша жүргізу мегаполис экологиясына оң әсер етеді.
Елімізде алғаш рет BRT жүйесі іске асты, қоғамдық көлік үшін 110 шақырым арнайы жолақтар жасалды, қаланың 10 орталық көшесіне біржақты көлік қозғалысы енгізілді, Орбитадан Көкбазарға дейін велодәліз жасақталды.Метроның екі бекетінің құрылысы жүруде, ол қаланы тыныш аудандармен және кейін қосылған елді мекендермен байланыстыратын болады.
Әкімдіктегілердің мәліметінше, қазіргі кезде Алматыдағы қоғамдық көліктерде барлық транзакциялардың 97 пайызы қолма-қол ақшасыз жүзеге асырылып жатыр, GPS-жүйесі арқылы диспетчерлік басқарудың автоматты жүйесі жұмыс істеуде, барлық автобустарға видеокамералар орнатылған, тасымалдаушыларды субсидиялауға қатысты жолаушылардын түскен шағым бойынша айыппұл салу жүйесі қолға алынды.
Қалада ЖКА-на қатысты фото-видеофиксация жүйесі жұмыс істейді, 709 қозғалыс жолағы бақылауға алынған, келер жылдан бастап бақылау нүктелері екі есе артады.
Көлік жүйесін реформалауда қала басшылығы үздік халықаралық мамандармен бірігіп жұмыс істеуде. Олардың арасында қоғамдық көлік кеңістігі мен көшелерді модернизациялаумен айналысатын "Gehl architects", "Тұрақты көлік" жобасы бойынша жұмыс істейтін ПРООН, көлік қозғалысының кешенді сызбасын жасайтын "A+S Транспроект", "Systra" компаниялары және Алматының шебер- жоспар концепциясын жасауға кіріскен канадалық- америкалық "HATCH" компаниясы бар.
"Smart city" форумы Люблянда 2011 жылдан бастап өтіп жатыр және Еуропа мен Азия қалаларымен ынтымақтастықты нығайтуға, Ақылды қалалар" цифрлы транформациясын бірігіп жүзеге асыруға бағытталған.
Показать комментарии
Читайте также
