Алматы қонақүйінде болған жантүршігерлік қылмыс: ұлыбританиялық сотқа үндеу жасады

Бір жарым жасар қызын өлтірді деген күдікке ілінген ұлыбританиялық Баракат Мохамед сотқа үндеу жасады, - деп хабарлайды Tengrinews.kz тілшісі.

Күдікті осымен бесінші ай изоляторда. Ол соттан тергеу уақытында бостандыққа шығуды сұрап, апелляциялық шағым түсірді.

Алайда сот алқасы ол өтінішті қанағаттандырмады.

"Алматы қаласының Мамандандырылған ауданаралық тергеу сотының Баракат Мохамедке қатысты шығарған үкімі өзгеріссіз қалдырылсын. Үкімге шағым түсірілмейді", - деді апелляциялық алқа соты.

Еске салайық, бұл оқиға былтыр 24 қазанда InterContinental қонақүйінде болған еді. Таңғы сағат 06:00-де фойеде әйелдің қатты айғайлап жылағаны естілген. Оның күйеуі баланы қылғындырып өлтірген.  Бас жарақаттарын алған қызды құтқару мүмкін болмаған. Күдікті - Лондонда туған 41 жастағы Мохамед Баракат, Hong Kong Air Cargo әуе компаниясының ұшқышы. Ол қамауға алынды.