+7 (777) 001 44 99
Қазақша
Русский
English
08 қазан 2021 | 10:00
Алматы көшелеріндегі веложолдар: жүргізушілер тұрақ дұрыс жасалмағанына шағымданды
Алматы жүргізушілері қала көшелерінің бірінде тұрақ дұрыс жасалмағанына шағымданды, - деп хабарлайды Tengrinews.kz тілшісі.
ПОДЕЛИТЬСЯ
Алматы жүргізушілері қала көшелерінің бірінде тұрақ дұрыс жасалмағанына шағымданды, - деп хабарлайды Tengrinews.kz тілшісі.
Автокөлік жүргізушілерінің айтуынша, биыл тамызда жол жасаушылар Бөгенбай батыр көшесіне қосымша белгі қойды. Жаңа жолдар Қонаев көшесінен Масанчи көшесіне дейінгі жолдың оңтүстік жағында пайда болған.
Бөгенбай батыр көшесіне үш жыл бұрын бір жақты қозғалыс енгізілген еді. Кейін екі жағынан тұрақ орындары ұйымдастырылған. 2021 жылы тамызда жаңа сызықтар салынғаннан кейін, кейбір автомобиль тұрақтары таңбалардан тыс қалған. Осыған байланысты жүргізушілер көліктерін осы көше бойында қалай қою керегін білмейді. Кейбіреулері сызықты кесіп өтіп, жолда өз орындарына қоюды жалғастырған.
Тамыздың соңында құрылысшылар белгілерді сызып, қосымша белгілер салып, жол белгілерін орнатқан. Бөгенбай батыр көшесіне енді веложол салынатыны белгілі болды. Жол жасаушылар жаппай жолға дейін тұрақ орындарын қарастырған. Енді жүргізушілер осы тұрақ орындарын пайдаланады.
Бөгенбай батыр және Қонаев көшелерінің қиылысындағы белгілер. Фото ©Tengrinews.kz/Шокан Алхабаев
MILDOM қонақүйінің жанындағы белгілер. Фото © Tengrinews.kz/Шокан Алхабаев
Бөгенбай батыр көшесі мен Назарбаев даңғылының қиылысындағы белгілер. Фото ©Tengrinews.kz/Шокан Алхабаев
Кейбір жүргізушілер бұрынғы орындарын әлі де пайдаланып жүр. Ол орынға көлігін қою үшін автокөлік жүргізушілері сызықты кесіп өтуде. Бұл - жол қозғалысы ережелерін бұзу әрі айыппұлға әкеп соғады.
Бөгенбай батыр және Панфилов көшелерінің қиылысындағы белгілер. Фото ©Tengrinews.kz/Шокан Алхабаев
Бөгенбай батыр көшесі мен Абылай хан даңғылының қиылысындағы белгілер. Фото ©Tengrinews.kz/Шокан Алхабаев
Бөгенбай батыр және Желтоқсан көшелерінің қиылысындағы белгілер. Фото ©Tengrinews.kz/Шокан Алхабаев
Бөгенбай батыр және Наурызбай батыр көшелерінің қиылысындағы белгілер. Фото ©Tengrinews.kz/Шокан Алхабаев
Qaganat фаст-фуд желісінің алдындағы белгілер. Фото ©Tengrinews.kz/Шокан Алхабаев
Бөгенбай батыр және Мәуленов көшелерінің қиылысындағы белгілер. Фото ©Tengrinews.kz/Шокан Алхабаев
Бөгенбай батыр көшесі мен Сейфуллин даңғылының қиылысындағы белгілер. Фото ©Tengrinews.kz/Шокан Алхабаев
Учаскелердің бірінде автокөлік жүргізушілері үшін ЖҚЕ нормаларымен рұқсат етілген арнайы кіру орны қарастырылған. Біреуі "Қазпочта" алдында, Сейфуллин даңғылының қиылысында орналасқан.
Бөгенбай батыр көшесі мен Сейфуллин даңғылының қиылысындағы белгілер. Фото ©Tengrinews.kz/Шокан Алхабаев
Қалалық мобильділік басқармасы жүргізушілерге жол ережесін бұзбауға кеңес береді. Сондай-ақ, Департамент жол белгілері мен таңбаларға назар аудару қажет екенін ескертеді.
"Бүгінде Бөгенбай батыр көшесінде Қонаев көшесінен Масанчи көшесіне дейін бөлінген веложолдардың орналасуын өзгерту арқылы жол қозғалысын ұйымдастыру схемасына өзгеріс енгізілді. Бұл жол қозғалысына қатысушылар арасындағы жанжалды жағдайларды болдырмау мақсатында жасалды. Схемаға сәйкес веложол оңтүстік жағынан екі бағытта орналасқан. Сол арқылы көлік жүретін бөліктен тұрақ орындарымен шектеледі.
Осыған байланысты аталған жол учаскесінде автокөліктерді қою кезінде жол жүру ережелерін сақтауды және орнатылған жол белгілері мен жол таңбаларының сызықтарын басшылыққа алуды ұсынамыз", - деп хабарлады МГМ баспасөз қызметі.
Веложол артында қалған Бөгенбай батыр көшесінің кейбір жерлерінде бұрын ақылы тұрақ орындары болған еді. Осы автотұрақтардан ақша жинайтын Aparking компаниясы қазір бұл учаскелер жұмыс істемейтінін мәлімдеді.
"Веложол пайда болуына байланысты көшенің осы жағындағы ақылы тұрақ енді жұмыс істемейді. Белгілер жақын арада жойылады", - деп түсіндірді компанияның PR-қызметінде.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
