Алматы маңында апатқа ұшыраған Bek Air ұшағына қатысты тергеу аяқталды - министр

Индустрия және инфрақұрылымдық даму министрі Қайырбек Өскенбаев Алматы маңында 12 адамның өмірін қиған Bek Air ұшағы апатына қатысты тергеу аяқталғанын мәлімдеді, - деп хабарлайды Tengrinews.kz тілшісі.

"Bek Air апатына қатысты тергеу аяқталды. Нәтижесі жақын күндері белгілі болады", - деді Өскенбаев Үкімет отырысынан кейін.

Еске салайық, ұшақ апаты 2019 жылдың 27 желтоқсанында болған. Bek Air әуекомпаниясының ұшағы Алматы әуежайының маңында апатқа ұшырады. Бортта 93 жолаушы мен бес экипаж мүшесі болған, 12 адам қаза тапты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!