+7 (777) 001 44 99
Қазақша
Русский
English
02 тамыз 2024 | 16:03
Алматы маңында жүк көліктері жантүршігерлік жол апатына ұшырады: бір жүргізуші қаза тапты
Алматы облысында Талғар маңындағы тасжолда жол апаты болып, жүк көлігі жүргізушісі қаза болды, - деп хабарлайды Tengrinews.kz тілшісі.
ПОДЕЛИТЬСЯ
Алматы облысында Талғар маңындағы тасжолда жол апаты болып, жүк көлігі жүргізушісі қаза болды, - деп хабарлайды Tengrinews.kz тілшісі.
SHACMAN жүк көлігінің 59 жастағы жүргізушісі жол-көлік оқиғасы салдарынан ауыр дене жарақаттарын алып, қаза болды.
"Әкелген кезде жағдайы өте ауыр болды. Ауыр аралас жарақат алған. Жабық кеуде жарақаты. 3-4 дәрежелі травматикалық шок. 3-4 дәрежелі геморрагиялық шок. Травматология бөлімінің дәрігерлері мен қан тамырлары хирургтары аяқтарына бірлескен операция жасады. Палатадағы операциялардан кейін науқас ауыр жарақаттардан қаза болды", - деп хабарлады Алматы көпсалалы клиникалық ауруханасы.
ЗИЛ көлігінің тағы бір 48 жастағы жүргізушісі де қазір ауруханада жатыр. Қазіргі уақытта дәрігерлер оның жағдайын орташа ауыр деп бағалап отыр.
"Әкелген кезде пациентке диагноз қойылды: түрлі жарақат, бас терісінің көгерген жарасы, беттің жаралануы, кеуде қуысының жабық жарақаты, оң жақ жамбас сүйегінің жабық сынуы", - деп хабарлады аурухана.
Айта кетейік, жантүршігерлік ЖКО сағат 17:11-де Алматы-Талғар автожолында болған. Полиция мәліметінше, SHACMAN жүк көлігінің 59 жастағы жүргізушісі рульді басқара алмай, жол бойында тұрған ЗИЛ маркалы автокөлікпен соқтығысқан.
Әлеуметтік желілерде куәгерлер қытайлық SHACMAN жүк көлігінің тежегіші істен шығып, соңғы сәтте жүргізуші ірі жол апатын болдырмау үшін барлығын айналып өтпек болғанын жазған.
Полиция жол апатына қатысты тергеуді бастады. Қылмыстық іс қозғалды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
