Алматы маңында көкөніс қоймасы өртенді

Алматы облысының Қарасай ауданында көкөніс қоймасында ірі өрт шықты. 1500 шаршы метр аумақ өртенді, - деп хабарлайды Tengrinews.kz тілшісі.

Алматы облысы Төтенше жағдайлар департаменті мәліметінше, қоймадағы өрт 8 қыркүйекте, шамамен сағат 17:20-да басталған.

"Алматы облысының ТЖД күштері шақырудың жоғары дәрежесі бойынша оқиға орнына дереу жіберілді. Оқиға орнына келгеннен кейін көкөніс өнімдері бар қойма толығымен отқа оранғаны анықталды. 1500 шаршы метр аумақтағы өрт сағат 18:59-да сөндірілді. Зардап шеккендер мен құрбандар жоқ", - деп хабарлады Алматы облысы ТЖД.

Сілтемесіз жаңалық оқисыз ба? Онда Telegram желісінде парақшамызға тіркеліңіз!