Алматы облысы Денсаулық сақтау басқармасының жаңа басшысы тағайындалды

Алматы облысы әкімінің өкімімен Өмірзақ Ниязбеков Алматы облысы Денсаулық сақтау басқармасының басшысы қызметіне тағайындалды , - деп хабарлайды Tengrinews.kz тілшісі.

Өмірзақ Ниязбеков 1966 жылы туған. Алматы қаласы мемлекеттік медицина университетін аяқтаған. 

Еңбек жолын Алматы облысы Алакөл ауданы Үшарал қаласындағы Алакөл орталық аудандық ауруханасының хирургия бөлімінде хирург болып бастаған.

2018 жылдың шілдесінен Алматы облысы Денсаулық сақтау басқармасы басшысының емдеу-алдын алу жұмысы жөніндегі орынбасары.

Бұған дейін Бауыржан Ысқақтың Алматы облысы Денсаулық сақтау басқармасының басшысы қызметінен кеткені хабарланған болатын.

Қазақстан жаңалықтары. Соңғы жаңалықтар. Telegram желісінде бізге жазыл!