Алматы облысында әкім тұрғындарды балағаттады

Алматы облысы Көктөбе ауылдық округінің әкімі жиын кезінде тұрғындарды балағаттаған, - деп хабарлайды Tengrinews.kz тілшісі.

Бұл оқиғаның видеосы әлеуметтік желілерде тарап жатыр. Видеодан ауылдық округ әкімі Болат Жасыбаевтың тұрғындардың аузын жауып, балағат сөздер айтып жатқаны естіледі.

Ескерту! Видеода балағат сөздер бар.

"Біз видеоны тексеріп, Еңбекшіқазақ ауданы әкімдігінің өкілдерімен сөйлестік. Қазіргі уақытта ауылдық округ әкімін жұмыстан босату бойынша құжаттар дайындалып жатыр. Шешім қабылданды. Облыс әкімінің тапсырмасы бар. Енді тек құжаттарды рәсімдеу керек", - деді облыс әкімінің баспасөз қызметіндегілер.

Қазақстан жаңалықтары. Соңғы жаңалықтар. Telegram желісінде бізге жазыл!