+7 (777) 001 44 99
Қазақша
Русский
English
28 ақпан 2024 | 16:02
Алматы облысында сот орындаушы балалардың алиментін ұрлаған
Алматы облысында жеке сот орындаушысы бір жарым жыл бойы балалардың алиментін жымқырып келген, - деп хабарлайды Tengrinews.kz тілшісі Бас прокуратура мәліметіне сілтеме жасап.
ПОДЕЛИТЬСЯ
Алматы облысында жеке сот орындаушысы бір жарым жыл бойы балалардың алиментін жымқырып келген, - деп хабарлайды Tengrinews.kz тілшісі Бас прокуратура мәліметіне сілтеме жасап.
Көрсетілген уақыт ішінде баланы асырауға сот орындаушысының арнайы шотына борышкердің жалақысынан 816 мың теңге аударылған.
"Сот орындаушысы бұл ақшаны баланың анасының шотына әрі қарай аудармаған. Бұл ретте, алимент аударушының адалдығына қарамастан, сот орындаушысы борышкердің жүргізуші куәлігінің қолданылуын тоқтата тұруға дейінгі барлық шектеу шараларын қабылдады.
Сот орындаушысының жоғарыда аталған заңсыз әрекеттерінің нәтижесінде әкесі жұмысынан және табыс көзінен, ал баласы өзіне тиесілі алименттерден айырылды", - делінген хабарламада.
Облыс прокуратурасы жолдаған материалдар бойынша Полиция департаменті сот орындаушысына қатысты ҚР ҚК-нің 251-бабы ("Жеке сот орындаушысының өкілеттіктерін теріс пайдалану") бойынша қылмыстық іс қозғады.
"Сондай-ақ, қабылданған шаралармен борышкердің жүргізуші куәлігі қалпына келтірілді және ол бұрынғы жұмысына қайта орналастырылды", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
