+7 (777) 001 44 99
Қазақша
Русский
English
19 сәуір 2021 | 16:45
Алматы облысында зират жеріне байланысты дау шықты
Алматы облысы Талғар ауданындағы Қарабұлақ кентінің ондаған тұрғыны зират орнына коттедж қалашығы салынғалы жатқанын айтып, шағымданды, - деп хабарлайды Tengrinews.kz тілшісі.
ПОДЕЛИТЬСЯ
Алматы облысы Талғар ауданындағы Қарабұлақ кентінің ондаған тұрғыны зират орнына коттедж қалашығы салынғалы жатқанын айтып, шағымданды, - деп хабарлайды Tengrinews.kz тілшісі.
Ауыл тұрғындары жергілікті зиратта жерлеуге тыйым салынғанына шағымданды.
"Қазір зират маңынан компания коттедж қалашығын салу үшін жер сатып алды. Жақында бір әйелге осы зиратқа туысын жерлеуге тыйым салған еді. 1987 жылы бұл жер мұсылмандарды жерлеуге бөлінген. Мұнда біздің атамыз жерленген. Неге жерлеуге тыйым салынады?", - деп шағымданды олар.
Талғар ауданы әкімдігінің баспасөз қызметіндегілер зират кеңес заманынан бері ешқандай құжатсыз жұмыс істеп келе жатқанын хабарлады. Аудан әкімшілігі мәліметі бойынша, қазіргі уақытта зиратта орын қалмаған.
"Тұрғындар ескі зираттың маңындағы жерлерді пайдаланғысы келеді. Бірақ ол жерлер жеке басқаруда және ауылшаруашылық мақсатына арналған. Бүгінде осы жерлерге иелік ететін "Айршир" ЖШС Қарабұлақ ауылы маңындағы жаңа зиратқа 7,81 гектар (кадастрлық № 03051200118) және 3,21 гектар (кадастрлық № 03051200175) жер (жалпы ауданы 11,02 гектар) бөлінгенін айтты. Тиісті құжаттар дайындалып жатыр. Мәселе аудан әкімі бақылауында", - деді әкімдіктегілер.
Айта кетейік, Алматының Бостандық ауданындағы "Ремизовка" зиратынан 23 қабір "Кеңсай-2" зиратына ауыстырылғаны хабарланған еді. Тұрғындар қайтыс болған туыстарының олардың келісімінсіз қайта жерленгеніне шағымданған болатын.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
