Алматыда 960 гектар жер Ұлттық банкке қайтарылды

Алматыда 960 гектар жер Ұлттық банкке қайтарылды, - деп хабарлайды Tengrinews.kz тілшісі қалалық прокуратураға сілтеме жасап.

Қала прокуратурасы сот актілері мен сот үкімдерін талдаудың негізінде Capital Bank Kazakhstan АҚ мен AsiaCreditBank АҚ таратылған банктердің жалғыз акционері болып табылатын борышкердің (Ш. жауап берушінің) активтері шығарылғанын анықтады.

"Жауап берушінің қарызы 15 миллиард теңгеден асады. Прокуратура ҚР Ұлттық банк мүддесіне, Ш. жауап берушінің жер учаскелерін сату-сатып алу шарттарын жарамсыз деп тану жөнінде талап арыз берді. Алматы облысы Іле аудандық сотының шешімі бойынша, Алматы прокуратурасының талап-арыздары толық көлемде қанағаттандырылды", - делінген хабарламада.

Сот алқасының қаулысы бойынша, сот актісі өз күшінде қалдырылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!