+7 (777) 001 44 99
Қазақша
Русский
English
11 қаңтар 2024 | 12:35
Алматыда ардагер Мэлс Шампиев қайтыс болды
Қарулы Күштер ардагерлері одағының төрағасы Мэлс Шампиев қайтыс болды, - деп хабарлайды Tengrinews.kz тілшісі.
ПОДЕЛИТЬСЯ
Қарулы Күштер ардагерлері одағының төрағасы Мэлс Шампиев қайтыс болды, - деп хабарлайды Tengrinews.kz тілшісі.
Бұл ақпаратты "Қарулы Күштердің ардагерлері" қоғамдық бірлестігінің Алматы қалалық филиалы өкілдері растады. Бүгін 77 жасында "Қарулы Күштер ардагерлері" одағының төрағасы Шампиев Мэлс Жұманұлы қайтыс болды.
Қазақстан Республикасы Қарулы Күштері Алматы қалалық Ардагерлер кеңесінің төрағасы, полковник Шампиев Мэлс Жұманұлы Тәуелсіз Қазақстан армиясын құрудың бастауында тұрғандардың бірі болды. Атап айтқанда, ол Қарулы Күштерде әлеуметтік-құқықтық жұмыс институтын құруға үлес қосты.
Мэлс Шампиев 1947 жылы 22 наурызда Ақтөбе облысында дүниеге келген. 1968 жылы Ташкент жоғары танк командалық училищесін, ал 1985 жылы Саратов жоғары партия мектебін бітірді.
Ол қызметті танк взводының командирі ретінде бастады, ал 1971 жылдан бастап қызметін саяси бағытта жалғастырды.
Қазақстан армиясында 1991 жылғы желтоқсаннан 1992 жылғы шілдеге дейін әскери қызметшілерді әлеуметтік және құқықтық қорғау бөлімін басқарды.
1992 жылдан 1997 жылға дейін тәрбие құрылымдарында басшылық лауазымдарда қызмет атқарды, тәрбие және әлеуметтік-құқықтық жұмыс департаментін басқарды. 1997 жылы желтоқсанда запасқа шығарылды.
Мэлс Жұманұлы қоғамдық өмірге белсенді қатысты. 2012 жылдан бастап Республикалық қоғамдық бірлестіктің Алматы филиалының төрағасы болды.
Мэлс Жұманұлымен қоштасу 13 қаңтарда сағат 10:00-де Армия үйінде өтеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
