Алматыда әскери-техникалық мектеп директорының орынбасарына қатысты іс қозғалды

Қорғаныс Министрлігінің Әскери-техникалық мектебінің Алматы филиалы бойынша директорының орынбасары мен Алматы қаласы қорғаныс істері жөніндегі департаменттің бөлім бастығына қатысты қылмыстық іс қозғалды. Бұл туралы Сыбайлас жемқорлыққа қарсы қызметтің өкілі айтты, - деп хабарлайды Tengrinews.kz тілшісі.

"Алматы қаласының Сыбайлас жемқорлыққа қарсы қызметі ҚР Қорғаныс Министрлігінің Әскери-техникалық мектебінің Алматы филиалы директорының орынбасары мен Алматы қаласы қорғаныс істері жөніндегі департаментінің бөлім бастығына қатысты сотқа дейінгі тергеуді бастады. Олар алдын ала ақылдасып, ер адамның сеніміне кіріп, аталған мектепке әскери қызметтен өтпегені туралы мәселесін шешіп береміз деп 150 000 теңгесін алған", - дейді агенттіктегілер.

Сондай-ақ директордың орынбасары әскери қызметті өтпегені туралы мәселені шешім беремін деген ұқсас әрекеті үшін тағы 150 000 теңге алды деген күдікке ілініп отыр. Олар өз кінәсін толық мойындады, тергеу жүріп жатыр", - деді Агенттіктің бірінші департаментінің аса маңызды істер жөніндегі тергеушісі Данияр Биғайдаров. 

Қазақстан жаңалықтары. Соңғы жаңалықтар. Telegram желісінде бізге жазыл!