+7 (777) 001 44 99
Қазақша
Русский
English
29 тамыз 2023 | 11:26
Алматыда автобустарға ауысып міну қашан тегін болуы мүмкін?
Алматы әкімі Ерболат Досаев қалада автобустарға тегін ауысуға мүмкіндік беретін жаңа тарифтік мәзір қашан енгізілетінін айтты, - деп хабарлайды Tengrinews.kz тілшісі.
ПОДЕЛИТЬСЯ
Алматы әкімі Ерболат Досаев қалада автобустарға тегін ауысуға мүмкіндік беретін жаңа тарифтік мәзір қашан енгізілетінін айтты, - деп хабарлайды Tengrinews.kz тілшісі.
Алмалы ауданында тұрғындармен кездесуде Досаев алматылықтарға автобустарға тегін ауысуға мүмкіндік беретін жаңа тарифтік мәзір енгізілетінін айтты.
"Осы тарифтік мәзір қалай жұмыс істейтінін және тасымалдаушыларға берілетін субсидиялар қаншалықты өсетінін толығырақ айтып беріңізші, әкімдік бұл үшін ақшаны қайдан алмақ, нені үнемдейді?", - деп сұрады жергілікті тұрғын.
Алматы әкімі әзірге субсидиялар туралы әңгіме жоқ деп жауап берді.
"Өздеріңіз білетіндей, мәслихат тарифті көтеру, яғни нарықтық принципке көшу туралы ұсынысымызды қолдады. Керісінше, міндетіміз – жыл сайын тасымалдаушыларға бөлетін субсидияларды азайту. Айдың аяғында жергілікті бюджеттен бөлінетін қаражатты күтіп отырмай, тәуелсіз болуы үшін. Ал Алматы қаласының бас жоспары мен көліктік негізі және тарифтік мәзір мәселелері қазір әзірленіп жатыр. Жыл аяғына дейін тарифтік мәзір пішімін қабылдаймыз, егер олар жол жүру картасын алса немесе pass, оның ішінде тегін автобустарға ауысып міну тарифі қамтамасыз етіледі деп болжанған. Қазір көлік холдингімен олардың жұмысының қорытындысы мен сараптамасының негізінде осы мәселені пысықтап жатырмыз. Қазанның аяғында тарифтік мәзірді ұсынып, қала тұрғындарының пікірін сұрап, әрі қарай бекітеміз деп ойлаймын", - деді әкім.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
