+7 (777) 001 44 99
Қазақша
Русский
English
11 қаңтар 2022 | 13:46
Алматыда аялдамалар мен қоршаулар, жаяу жол төсеніштері жөнделіп жатыр
Алматыда жол инфрақұрылымын қалпына келтіру жұмыстары жалғасып жатыр, - деп хабарлайды Tengrinews.kz тілшісі Алматы қаласының тыныс-тіршілігін қамтамасыз етуді қалпына келтіру жөніндегі қалалық штабқа сілтеме жасап.
ПОДЕЛИТЬСЯ
Алматыда жол инфрақұрылымын қалпына келтіру жұмыстары жалғасып жатыр, - деп хабарлайды Tengrinews.kz тілшісі Алматы қаласының тыныс-тіршілігін қамтамасыз етуді қалпына келтіру жөніндегі қалалық штабқа сілтеме жасап.
Қалпына келтіру жұмыстарын 13 бригада жүргізеді. 46 бағдаршам нысаны бүлінді. 38-і қалпына келтірілді, оның 5-і уақытша схема бойынша жасалды. Сондай-ақ, 120 жол белгісі бүлінген, олардың 96-сы қалпына келтірілген.
"Жолдардағы қалпына келтіру бойынша 4 жол бригадасы жұмыс істеп жатыр. Кеше 90 шаршы метр төсем, 120 метр жиек және 37 жол люгі қалпына келтірілді. Тас төсемді қалпына келтіруді 13 қаңтарға дейін аяқтау жоспарланып отыр. Екі бригада көліктер жанып жатқан және өрт шыққан жерлердегі жолды тазалауға кірісті", - делінген хабарламада.
Сонымен қатар, аялдамалар да бүлінген. Барлығы 43 аялдама бүлінді, оның 17-сінің әйнегі толық сынған. Жеке компаниялар да қалпына келтіруге кірісті, бүгінде 2 аялдама жөнделді. Жұмыстар жалғасып жатыр.
Алдын ала есептеу бойынша 100-ге жуық велосипед жоғалған, 220-сы жөндеуді қажет етеді, 20 станция бүлінген. Жөндеу-қалпына келтіру жұмыстары басталды, келтірілген шығынды бағалау бойынша жұмыстар жүргізіліп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
