Алматыда Әйтеке би көшесін ұзарту жұмыстары аяқталды

Алматыда Әйтеке би көшесін ұзарту жұмыстары аяқталды, - деп хабарлайды Tengrinews.kz тілшісі әкімдік мәліметіне сілтеме жасап.

Алматыда Әйтеке би көшесін Байтұрсынов көшесінен Досмұхамедов көшесіне дейін ұзарту жұмыстары аяқталды.

"Ұзындығы 142 метр болатын жаңа жолдың ені 11,5 метр, екі жағында тротуар бар. Инженерлік коммуникациялар қайта құрылып, жаңа жол белгілері орнатылды. Әйтеке би көшесіндегі қозғалыс қауіпсіздігін қамтамасыз ету үшін шығыс бағытта көліктер тек оңға бұрыла алады. Батыс бағытта тура жүруге, оңға және солға бұрылуға болады", - делінген хабарламада.

Қазір жол таңбаларын сызу, жол белгілерін орнату жұмыстары бітіп, көлік қозғалысы ашылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!