05 қыркүйек 2021 | 09:39

Алматыда даяшыға былапыт сөз айтқан тұрғын кешірім сұрады

Дина Шарипханова Корреспондент

Алматы полициясы даяшыға былапыт сөз айтқан тәртіпбұзушыларды анықтады. Бұл туралы Алматы қаласы әкімшілігі басшысының орынбасары Рүстем Әбдірахманов Instagram-парақшасында мәлімдеді, - деп хабарлайды Tengrinews.kz тілшісі.

Алматы полициясы даяшыға былапыт сөз айтқан тәртіпбұзушыларды анықтады. Бұл туралы Алматы қаласы әкімшілігі басшысының орынбасары Рүстем Әбдірахманов Instagram-парақшасында мәлімдеді, - деп хабарлайды Tengrinews.kz тілшісі.

Қалалық кафелердің бірінде келушілердің заңсыз әрекеті түсірілген видео бірнеше күн бұрын Қазнетте пайда болған еді.

Назар аударыңыз! Видеода былапыт сөздер айтылады.

"Біз тексеріс жүргізіп, тәртіпбұзушыларды анықтадық. Олар 03.01.1982 жылғы және 08.02.1981 жылғы тұрғындар болып шықты. Құқық бұзушылар әкімшілік жауапкершілікке тартылады", - деді Алматы қаласы ПД бастығының орынбасары Рүстем Әбдірахманов.

Кафедегі оқиғаға қатысушылардың бірі көпшіліктен кешірім сұраған. Бұл ретте Әбдірахмановтың айтуынша, бұл - заңда көзделген жауапкершіліктен босатпайды.