Алматыда ер адам биіктен құлап, қайтыс болды

Алматыда ер адам көпқабатты үйдің терезесінен құлап, қаза тапты, - деп хабарлайды Tengrinews.kz тілшісі.

Tengrinews.kz оқырманы оқиғаның куәгері болған, ол редакцияға хабарласып, алдын ала мәлімет бойынша, ер адам 11-қабаттан құлағанын айтты.

Алматы Полиция департаменті бұл дерек бойынша мән-жай анықталып жатқанын жеткізді.

"Бұл факт бойынша Бостандық аудандық полиция басқармасы қылмыстық іс тіркеді. 26 жастағы азаматтың өліміне не себеп болғаны, оқиғаның мән-жайы мен мотивтері анықталып жатыр", – деп мәлім етті полицияның баспасөз қызметі.

Еске салайық, бұған дейін, 8 сәуірде Алматыда көпқабатты үйдің терезесінен қыз құлап, мерт болғаны хабарланған еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!