Алматыда есірткі зертханасы жойылды

Алматы полицейлері ІІМ Есірткі қылмысына қарсы іс-қимыл комитетіндегі әріптестерінің қолдауымен синтетикалық есірткі өндіретін зертхананы жойды, деп хабарлайды Tengrinews.kz тілшісі.

Тінту барысында құқық қорғау органдарының қызметкерлері қолдан жасалған реактор, сұйықтық толтырылған ондаған канистр, зертханалық ыдыстар, таразылар, вакуумдық қаптау құрылғылары, сондай-ақ есірткі заттарын бөлшектеп орауға арналған жүздеген пакет тәркіленді.

"Тәркіленген барлық заттар мен заттай дәлелдемелер сот сараптамасына жіберілді. Қазіргі уақытта жедел-іздестіру және тергеу іс-шаралары жүргізілңп жатыр", - деп нақтылады ведомство.

Полиция есірткі өндіру мен өткізу қылмыстық жауапкершілік қарастырылған ауыр қылмыс екенін атап өтті.

Тағы оқыңыз: Павлодарда ҚМА танымал өнімдердің қаптамасына салынған есірткіні анықтады