Алматыда жантүршігерлік жол апаты екі адамның өмірін қиды

Алматыда 19 мамырда кешкі уақытта екі адамның өмірін қиған жол апаты болды. Жол-көлік оқиғасының мән-жайын полиция хабарлады, - деп хабарлайды Tengrinews.kz тілшісі.

Алматы ПД баспасөз қызметі мәліметінше, қайғылы оқиға сағат 22:00 шамасында Құлжа тасжолында болған. Volkswagen жүргізушісі қарсы бағытқа шығып кетіп, жүк көлігімен бетпе-бет соқтығысқан.

"Жол апаты салдарынан жеңіл автокөліктің жүргізушісі мен жолаушысы оқиға орнында көз жұмды. Тағы бір жолаушы ауруханаға жатқызылды", – деді полиция өкілдері.

Екі адамның өліміне алып келген жол апатына байланысты қылмыстық іс қозғалған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!