Алматыда жаппай төбелес видеоға түсіп қалды

Алматыдағы бейнебақылау камераларына ер адамның соққыға жығылған сәті түсіп қалған. Полицейлер оқиғаға қатысушылардың үстінен қылмыстық іс қозғады, - деп хабарлайды Tengrinews.kz тілшісі.

Бейнежазбада балдақ ұстаған ер адамның топтан қашып бара жатқанын көруге болады. Бір кезде ол балдақпен өзіне қарсы келгендерді ұра бастайды. Бірақ оған бірнеше қарсылас бір мезгілде шабуыл жасап, оны құлатып, ұрып-соғуды жалғастырады.

Алматы полиция департаменті оқиғаға қатысты қылмыстық іс қозғалғанын хабарлады.

"Күдіктілер анықталып, тергеу амалдары жүргізіліп жатыр", - деп хабарлады ведомстводан.

Сілтемесіз жаңалық оқисыз ба? Онда Telegram желісінде парақшамызға тіркеліңіз!