Алматыда жеңіл көлік жүк көлігі мен билборд тірегі арасына қысылып қалды

Алматыда Майлина көшесінде ауыр жол апаты болды. Әлеуметтік желіде апаттың видеосы тарап жатыр, - деп хабарлайды Tengrinews.kz тілшісі.

Алматы Полиция департаменті мәліметінше, жолдағы оқиға 10 мамырда сағат 12:52-де болған.

"Mercedes автокөлігінің жүргізушісі Майлина көшесімен солтүстік бағытта, Монтажная көшесінің қиылысында келе жатып, жолақты ауыстырмақ болғанда Shaсman жүк көлігімен соқтығысқан, содан кейін ол жарнамалық тақтаның темір тірегіне соқтығысқан. Mercedes жүргізушісі ауруханаға жатқызылды. Оқиғаның мән-жайын Түрксіб аудандық полициясы анықтап жатыр", - деді департамент өкілі Салтанат Әзірбек Tengrinews.kz тілшісіне.

Сілтемесіз жаңалық оқисыз ба? Онда Telegram желісінде парақшамызға тіркеліңіз!