Алматыда карантин туралы жаңа қаулы жарияланды

Алматы қаласының бас санитария дәрігері Жандарбек Бекшиннің карантин туралы жаңа қаулысы шықты, - деп хабарлайды Tengrinews.kz тілшісі.

Қаулыға сәйкес, қалада 2 тамыздан бастап жаңа шектеу шаралары енгізіледі. Олар кем дегенде 16 тамызға дейін әрекет етеді. Жаңа қаулыда кәсіпкерлік нысандарына Ashyq жобасын енгізу туралы талаптар көзделген.

Осылайша, меншік нысанына қарамастан, Ashyq-қа қатыспайтын барлық кәсіпорын мен ұйым қызметі тоқтатылады. Тек мына нысандардан басқасы:

• орталық мемлекеттік органдар, әкімдіктер, құқық қорғау органдары, денсаулық сақтау ұйымдары, БАҚ, азық-түлік дүкендері, дәріханалар, тіршілікті қамтамасыз ету нысандары;
• құрылыс жұмыстарын, өнеркәсіп ұйымдарын;
• байланыссыз қызметтер;
• гүл сататын дүкендер, фотосалондар;
• туристік компаниялар, бизнес-орталықтар;
• жекелеген қызмет түрлерін.

Қаулының толық мәтінін мына сілтеме арқылы оқи аласыз.

Сілтемесіз жаңалық оқисыз ба? Онда Telegram желісінде парақшамызға тіркеліңіз!