Алматыда қашан күн жылиды?

"Қазгидромет" синоптиктері Алматыда қашан ауа температурасы жоғарылайтынын айтты. Бірнеше уақыт жылы күндерден кейін, кеше, 10 ақпанға қараған түні қалада жауын-шашын болған, - деп хабарлайды Tengrinews.kz тілшісі.

Синоптиктердің мәліметінше, 11 және 12 ақпанда Алматыда жаңбыр, қар жауады.

Ал 13 ақпанда +6...+8 градусқа дейін күн жылынады деп болжанды.

"Бірақ Алматыда үш тәулік бойы тұман, көктайғақ болуы мүмкін. Демалыс күндерінн кейін 15 ақпаннан бастап ауа райы жылы болады", - деді "Қазгидромет" синоптигі Дәулет Қисебаев.

10 ақпанда таңертең Алматы әкімдігінің өкілдері қалада 10-15 сантиметр қар жауғанын хабарлаған болатын. Таулы аудандарда 20 сантиметрге дейін түсті.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!