+7 (777) 001 44 99
Қазақша
Русский
English
22 қазан 2022 | 12:14
Алматыда ҚазҰУ-дан заңсыз алынған жер қайтарылды
Сот Әл-Фараби атындағы Қазақ ұлттық университетінің бұрын иеліктен шығарылған жерлерін қайтарды, - деп хабарлайды Tengrinews.kz тілшісі.
ПОДЕЛИТЬСЯ
Сот Әл-Фараби атындағы Қазақ ұлттық университетінің бұрын иеліктен шығарылған жерлерін қайтарды, - деп хабарлайды Tengrinews.kz тілшісі.
"Қазақстан Республикасы Ауыл шаруашылығы министрлігі Жер ресурстарын басқару комитетінің Алматы қаласы Жер ресурстарын басқару департаменті Әл-Фараби атындағы Қазақ ұлттық университеті аумағының жеке меншікке өтіп кеткен аймағына қатысты тексеріс жүргізді. Тексеру барысында Алматы қаласы әкімдігі қолданыстағы заңнаманың талаптарын бұзып, Ұлттық университет территориясының бір бөлігін заңсыз меншіктеуге жол бергенін анықтады", - делінген хабарламада.
Алматының ауданаралық-экономикалық соты қаланың жер ресурстарын басқару департаменті мен "Omirex" ЖШС, "Atlas Development" ЖШС, ҚазҰУ өтінішін толық қарастырды. Арнайы қабылданған қаулыда сатып алу-сату шарттарын жарамсыз деп тану туралы талап қойылды.
"ҚР Жер Кодексінің 43, 48-баптарының нормаларын бұзғаны дәлелденді. Алматы қаласының мамандандырылған ауданаралық экономикалық сотының 2022 жылғы 21 қазандағы шешімімен судья Д.С. Нұрбековтің төрағалығымен Алматы қаласының Жер ресурстарын басқару Департаментінің талап арызы толық қанағаттандырылып, сот қаулылар мен сатып алу-сату шарттарын жарамсыз деп таныды", - делінген Алматы қаласының Жер ресурстарын басқару департаментінің хабарламасында.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
