Алматыда "Қиял әлемі" саябағына айыппұл салынды

"Қиял әлемі" саябағы ұзын-сонар кезек болғаны үшін әкімшілік жауапқа тартылды, - деп хабарлайды Tengrinews.kz тілшісі.

Алматы қаласы Тауарлар мен қызметтердің сапасы мен қауіпсіздігін бақылау департаментінің мәліметінше, "Қиял әлемі" паркіне қатысты карантин шараларын бұзғаны үшін әкімшілік құжат толтырылған. Саябаққа 230 АЕК мөлшерінде (638 940 теңге) айыппұл салынған.

Әлеуметтік желіде саябақтың кіреберісінде кезекте тұрған ондаған адам түсірілген видео жарияланды. Арасында маскасыз тұрғандар да бар. 

Еске салайық, Қазақстанда карантин жеңілдетілгеннен кейін даладағы әткеншектер тек жұмыс күндері ашық болады.

Қазақстан жаңалықтары. Соңғы жаңалықтар. Telegram желісінде бізге жазыл!