Алматыда Қонаевтың музей-пәтері сатылды деген рас па?

Дінмұхамед Қонаевтың мемориалдық музей-пәтері сатылды деген қауесет жалған болып шықты, - деп хабарлайды Tengrinews.kz тілшісі.

Әлеуметтік желі қолданушылары музейдің сатылуы туралы қауесеттерге қатысты түрлі пікір білдіре бастаған. Бұл туралы ақпарат Instagram және Facebook әлеуметтік желісінде пайда болды.

"Д.А. Қонаевтың мемориалдық музей-пәтері "Алматы қаласы музейлер бірлестігі" КМҚК балансында және мегаполистегі келушілер саны бойынша алдыңғы қатардағы музейлердің бірі болып табылады. Желіде музей-пәтерді сатуға қатысты таралып жатқан ақпарат шындыққа жанаспайды. Құрметті БАҚ өкілдері және желі пайдаланушылары, тексерілмеген әрі жалған ақпаратты жарыса жарияламауларыңызды сұраймыз", - делінген музей әкімшілігі хабарламасында.

Сілтемесіз жаңалық оқисыз ба? Онда Telegram желісінде парақшамызға тіркеліңіз!