Алматыда Құлжа тасжолындағы жолайрықтың эстакадасы ашылды

Алматыда Құлжа тасжолындағы жолайрықтың эстакадасы ашылды, - деп хабарлайды Tengrinews.kz тілшісі қала әкімдігінің баспасөз қызметіне сілтеме жасап.

2021 жылы 21 қараша Бұқтырма көшесі мен Құлжа тасжолы қиылысында салынып жатқан көлік жолайрығындағы эстакада іске қосылғаны хабарланды.

"Құлжа тасжолы бойымен жүретін көліктерге екі бағытта да жол ашылды. Сонымен қатар енді шығыс бағытта бұрылыс алаңқайына бармастан Бұқтырма көшесінен Құлжа тасжолына бірден бұрылуға болады", - делінген хабарламада.

Құрылыс аяқталған соң көлік жолайрығы салынып жатқан аймақтағы жол жүрісін жеңілдетіп, көлік жүктемесін азайтады деп күтіліп отыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!