Алматыда Назарбаев бейнеленген мурал жаңарды

Алматыда Қазақстанның Тұңғыш Президенті - Елбасы Нұрсұлтан Назарбаев бейнеленген мурал жаңарды, - деп хабарлайды Tengrinews.kz тілшісі.

Куәгерлер 2 шілдеде муралдың өзгергенін байқаған. Енді муралда Тұңғыш Президенттің жас кезі бейнеленген.

Сондай-ақ, онда Elbasy forever young деп жазылған. Ол ағылшын тілінен аударғанда "Елбасы мәңгі жас" деген мағынаны білдіреді. Бұл көркем шығарманың авторы кім екені белгісіз.

Фото: Шоқан Алхабаев

Айта кетейік, мурал мамырдың басында Сәтбаев және Жароков көшелерінің қиылысында орналасқан көлікжай қабырғасында пайда болған еді. Кейін муралды белгісіз біреулер бояп тастаған болатын. Мұны кім және не үшін жасағаны әлі белгісіз.

Сілтемесіз жаңалық оқисыз ба? Онда Telegram желісінде парақшамызға тіркеліңіз!