+7 (777) 001 44 99
Қазақша
Русский
English
16 қараша 2022 | 10:39
Алматыда өңдеу өнеркәсібі, туризм, IT, креативті индустрияны дамыту қажет - Мемлекет басшысы
Мемлекет басшысы Қасым-Жомарт Тоқаев қала жұртшылығымен кездесуде Алматыда барлық инвестицияның 70 пайызға жуығы тек үш салаға - жылжымайтын мүлік, көлік және сауда саласына тиесілі екенін айтты, - деп хабарлайды Tengrinews.kz тілшісі.
ПОДЕЛИТЬСЯ
Мемлекет басшысы Қасым-Жомарт Тоқаев қала жұртшылығымен кездесуде Алматыда барлық инвестицияның 70 пайызға жуығы тек үш салаға - жылжымайтын мүлік, көлік және сауда саласына тиесілі екенін айтты, - деп хабарлайды Tengrinews.kz тілшісі.
Мемлекет басшысының айтуынша, оң динамикаға өңдеу өнеркәсібі (өсім 13,9 пайыз) мен инвестициялық белсенділік негізгі үлес қосып жатыр. Жыл басынан бері қала экономикасына 930 миллиард жеке инвестиция тартылған (өсім 20 пайызға дерлік). Кәсіпкерлік біртіндеп дамып келеді. Жыл басынан бері шағын және орта бизнес субъектілерінің саны 30 пайызға артқан. Қала тұрғындарының басым бөлігі осы салада жұмыспен қамтылған.
"Ал, бүгінде Алматыда барлық инвестицияның 70 пайызға жуығы тек үш салаға - жылжымайтын мүлікке, көлікке және саудаға тиесілі. Экономиканың төмен әртараптандырылуы азаматтардың кірісінің баяулауына алып келеді. Қалада өңдеу өнеркәсібін, туризмді, IT секторын және креативті индустрияны дамытуға баса назар аудару керек", - деді Тоқаев.
Президент бәсекені ынталандыру үшін инвестиция тартып, еңбек өнімділігін айтарлықтай арттыру қажет екенін айтты.
"Алматы индустриалды аймағы мен "Алатау" инновациялық технологиялар паркінің әлеуетін толық іске асыру қажет. Мұнда 20 мыңнан аса жұмыс орнын ашу арқылы мыңнан астам өнеркәсіпті орналастыру жоспарланып отыр, - деп қосты Мемлекет басшысы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
