Алматыда орталық саябақ маңынан шыққан қою қара түтін жұртты шошытты

Алматыдағы Орталық мәдениет және демалыс саябағы аумағында өрт шықты, - деп хабарлайды Tengrinews.kz тілшісі.

Куәгерлер қою қара түтіннің видеосын жолдады. Олардың айтуынша, саябақ маңында бірнәрсе қатты жанып жатыр.

Алматы ТЖД мәліметінше, 2 сәуірде сағат 14:52-де өртсөндірушілер Медеу ауданындағы Гоголь көшесі, 1 мекен жайындағы өртті ауыздықтаған.

"Жалпы ауданы 30 шаршы метр болатын, фаст-фуд дайындайтын үш жер өртенді. Зардап шеккендер жоқ", - деп жазылған хабарламада.

Еске салайық, бұған дейін Қарағандыда жатақханадан өрт шығып, студенттер ауруханаға түскені хабарланды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!