Алматыда полиция фестиваліне байланысты жолдар жабылады

Алматыда фестивальге байланысты көлік қозғалысы жабылады, - деп хабарлайды Tengrinews.kz тілшісі.

Қазақстан полициясы күніне арналған "Полиция – Ел қорғаны" фестиваліне байланысты 27 маусымда сағат 19:00-ден 23:00-ге дейін Республика сарайына іргелес аумақта көлік қозғалысына жартылай шектеу қойылады.

Шектеулер қолданылады:

• Достық даңғылы бойымен – Құрманғазы көшесінен Сәтбаев көшесіне дейін (екі бағытта);
• Абай даңғылы бойымен – Достық даңғылынан Назарбаев даңғылына дейін (екі бағытта).

Жүргізушілерден өз бағытын алдын ала жоспарлау және уақытша шараларға түсіністікпен қарау сұралды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!