04 қазан 2022 | 16:13

Алматыда ресейліктерге қызмет көрсететін ХҚКО-да ұзын сонар кезек пайда болды

Дина Шарипханова Корреспондент

Видео кадры

Алматыда шетелдік азаматтарға ЖСН беру үшін ашылған арнайы ХҚКО-да ұзын сонар кезек пайда болды, - деп хабарлайды Tengrinews.kz тілшісі.

Алматыда шетелдік азаматтарға ЖСН беру үшін ашылған арнайы ХҚКО-да ұзын сонар кезек пайда болды, - деп хабарлайды Tengrinews.kz тілшісі.

Әлеуметтік желіде ХҚКО-лардың біріне ЖСН алуға келген Ресей азаматтары жиналған ұзын сонар кезек видеосы пайда болды.

"Азаматтарға арналған үкімет" КЕАҚ Алматы бойынша филиалының баспасөз қызметі мәліметінше, кезек шынымен бар, бірақ бұл мәселе шешіліп жатыр және Ресей Федерациясы азаматтары 2-3 минут ішінде қызмет алып жатыр. Бұл ретте ресейліктер кезегі Жетісу ауданы, Құлагер шағынауданы, Қазыбаев көшесі, 286в мекенжайы бойынша Құлагер шағынауданындағы ФОК (спорттық-сауықтыру кешені) ғимаратында арнайы ұйымдастырылған бір ғана ХҚКО-да байқалады.

"Олар ешкімге кедергі жасамайды. Бұл жұмысы күшейтілген халыққа қызмет көрсету орталығы. Онда алдымен 20 жұмыс орны бөлінген, қазір 40 қызметкер қызмет көрсетіп жатыр. Ресейліктерге көші-қон қызметінің қызметкерлері де кеңес беріп жатыр", - деді баспасөз қызметі өкілдері.

ХҚКО-да бір күнде шетелдіктердің 3-3,5 мың өтінімі қаралады. Бұл әдеттегі жүктемеден 50 пайызға артық. Қызметкерлер 09:00-ден 20:00-ге дейін, талон алған соңғы клиентке дейін жұмыс істейді. Клиенттерге ыңғайлы болу үшін ХҚКО-ға ауызсу әкелінеді және шетелдік азаматтардың түнде қалатын жері болмаған жағдайда орындар беріледі.

Сондай-ақ, ЖСН алу үшін шетел азаматтары "Банк ЦентрКредит" филиалдарына келесі мекенжайлар бойынша жүгіне алады: