Алматыда сауда орталығына "мина қойылды" деген хабар түсті

Белгісіз біреулер Алматының сауда орталықтарының бірінде бомба қойылғанын мәлімдеді, - деп хабарлайды Tengrinews.kz тілшісі қалалық Полиция департаментіне сілтеме жасап.

Ведомствоның баспасөз қызметі оқиға 4 шілдеде таңертең болғанын хабарлады. Сағат шамамен 10.04-те полицияға қаланың сауда орталықтарының біріне мина қойылғаны туралы қоңырау түскен.

"Бірінші кезекте орталыққа келушілер мен қызметкерлерді эвакуациялау жүзеге асырылды. Жол-патрульдік полиция жасақтары осы нысан маңындағы жолдан көліктерді қайтарды", - деп мәлімдеді ПД өкілдері.

Жедел басқару орталығының мәліметінше, тексеру шаралары аяқталды. Мина туралы ақпарат жалған болып шықты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!