+7 (777) 001 44 99
Қазақша
Русский
English
28 наурыз 2024 | 09:20
Алматыда "Сергектер" бір жылда бюджетке қанша ақша әкелді?
Алматыда Сергек камераларының бір жылда бюджетке қанша ақша түсіргені белгілі болды, - деп хабарлайды Tengrinews.kz тілшісі.
ПОДЕЛИТЬСЯ
Алматыда Сергек камераларының бір жылда бюджетке қанша ақша түсіргені белгілі болды, - деп хабарлайды Tengrinews.kz тілшісі.
Айта кетейік, Алматыда 7 мыңнан аса "Сергек" камерасы жұмыс істейді. Жақында ғана жаңаларымен толықтырылды. Енді камералар адамның көзінен жақсырақ көреді және көліктегі ең ұсақ бөлшектерді түсіре алады.
Алматы ПД мәліметінше, "Сергек" аппараттық-бағдарламалық жүйелері 2023 жылы жалпы сомасы 12 миллиард 878 миллион 922 мың теңге болатын 1 847 765 заңбұзушылықты тіркеген.
Алматы полициясы Алматы көшелеріндегі "Сергек" автоматтандырылған кешенінде қазіргі уақытта мынадай заңбұзушылық түрлері тіркеліп жатқанын хабарлады:
- жылдамдықты асыру;
- тұтас сызықты кесу;
- қосарланған тұтас сызықты кесіп, кері бұрылу;
- белгіленбеген жерде тұраққа қою/тоқтау;
- бағдаршамның тыйым салынған түсіне өту.
Сондай-ақ, пилоттық жоба аясында қауіпсіздік белдіктерін тақпау және жаяу жүргіншілер өткелінде жаяу жүргіншіге жол бермеу тіркеледі.
Сондай-ақ, жақын арада алматылық "Сергектер" бағдаршамның сары түсіне өтетіндерді тіркеуі мүмкін. Наурыз айының басынан бері Астанада мұндай заңбұзушылық түрін камералар түсіре бастады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
