Алматыда шетелдіктер заңсыз алған жер қайтарылды

Алматы прокуратурасы 71,9 гектар жерді мемлекет меншігіне қайтарды, - деп хабарлайды Tengrinews.kz тілшісі.

Заңды тұлғаның заңсыз иелігіндегі 72 гектар жер қайтарылған. Ал заңды тұлғаның құрылтайшысы шетелдік компания болып шыққан. Бұл жер ауыл шаруашылығы мақсатына арналған.

"Тексеріс нәтижесінде қаланың элиталық бөлігінде орналасқан учаскелер Жер кодексінің талаптарын бұза отырып пайдаланылғаны анықталды, себебі шетелдіктер Қазақстан аумағында ауыл шаруашылығы мақсатындағы жерге иелік ете алмайды", - деп жазылған хабарламада.

Осылайша құны 5,9 млрд теңге болатын жер телімдері мемлекет меншігіне қайтарылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!