Алматыда содырлар жерленген орындар анықталды

Алматы полициясы тәртіпсіздіктерден кейін содырлар жерленген орындар табылғаны туралы хабарлады, - деп хабарлайды Tengrinews.kz тілшісі.

Полиция департаментінің ресми өкілі Салтанат Әзірбек полицейлер қаза тапқан содырлар мәйіті жерленген жерді тапты деген ақпаратты растады.

Полиция лаңкестер іздерін жасыру үшін өз жақтастарын жасырын жерлеген деп есептейді. Басқа мәліметтер әлі жарияланған жоқ.

Еске сала кетейік, осыған дейін Алматы қалалық полиция департаментінің басшысы Қанат Таймерденов Алматы мәйітханаларынан 41 мәйіт ұрланғанын айтқан болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!