Алматыда стриптиз-клуб түнде қонақтар қабылдаған

Алматыда стриптиз-клуб түнде қонақтар қабылдағаны анықталды, - деп хабарлайды Polisia.kz.

Алматы Полициясы департаменті криминалдық полиция басқармасының қызметкерлері жедел-алдын алу іс-шаралар және азаматтардың жаппай баратын жерлеріне бақылау жүргізу барысында қонақтарды қабылдаған түнгі стриптиз-клубты анықтады.

"Полиция Алмалы ауданындағы Наурызбай батыр көшесіндегі үйлердің бірінің жертөлесінде орналасқан стриптиз-клубты анықтады. Тәртіп сақшыларының сапары кезінде жұмыс орнында ер адамдарға қызмет көрсететін 13 қыз болған. Қыздардың Алматыға Қазақстанның барлық аймағынан жұмыс істеуге келгені анықталды. Халықтың санитарлық-эпидемиологиялық салауаттығы саласындағы заңнаманың талаптарын, сондай-ақ, гигиеналық нормативтерді бұзғаны үшін ҚР ӘҚбК-нің 425-бабы бойынша құқықбұзушыларға қатысты әкімшілік хаттамалар жасалды", - деді Алматы қалалық полиция департаменті басшысының бірінші орынбасары Нұрлан Алмасбеков.

Қазақстан жаңалықтары. Соңғы жаңалықтар. Telegram желісінде бізге жазыл!