Алматыда тағы бір адам коронавирус жұқтырды

"Коронавирус індетін жұқтырған тағы 1 адам Алматы қаласында тіркелді.
Осы сағатта Алматы қаласында – 18 адам, Нұр-Сұлтан қаласы бойынша 18 адам, жалпы 36 науқас тіркелді", - делінген Денсаулық сақтау министрлігінің хабарламасында.

Еске салайық, мұның алдында Нұр-Сұлтан мен Алматыда карантин жарияланғаны хабарланған болатын. Мұндай шешімді Президент жанындағы төтенше жағдай режимін қамтамасыз ету жөніндегі мемлекеттік комиссия қабылдады. Кеше премьер-министр Асқар Маминнің төрағалығымен ҚР Президенті жанындағы төтенше жағдай режимін қамтамасыз ету жөніндегі мемлекеттік комиссияның отырысы өткен еді.

Қазақстан жаңалықтары. Соңғы жаңалықтар. Telegram желісінде бізге жазыл!