Алматыда терезе жуып жүрген жұмысшы жоғары қабаттан құлап қаза тапты

Алматыда терезе жуып жүрген жұмысшы жоғары қабаттан құлап қаза тапты, - деп хабарлайды Tengrinews.kz тілшісі.

Оқиға 7 сәуір күні түс ауа Розыбакиев пен Байқадамов көшелерінің қиылысында орналасқан "Атамекен" тұрғын үй кешенінде болған. Оқиға туралы осы үй тұрғындары айтты.

Полицейлер мәліметінше, қайтыс болған 27 жастағы ер адам.

"Биіктіктен құлау салдарынан 1995 жылы туған азамат қайтыс болды. Сот-медициналық сараптама тағайындалды. Мән-жай анықталып жатыр. Бұл факт Бостандық аудандық полиция бөлімінде тіркелді", - деді Полиция департаменті.

Сілтемесіз жаңалық оқисыз ба? Онда Telegram желісінде парақшамызға тіркеліңіз!