Алматыда төмен бағамен сатылған зауыт мемлекетке қайтарылды

Алматы прокуратурасы бағасы арзандатылып сатылған зауытты қайтарды, - деп хабарлайды Tengrinews.kz тілшісі.

Алматы прокуратурасы "832 авторемонтный завод КИ" АҚ акцияларының 100 пайызын қайтарды.

"Алматы прокуратурасы 2017 жылы "832 авторемонтный завод КИ" АҚ-ның жалғыз акционері активтердің құнын 310 миллион теңгеге төмендетіп, оны заңды тұлғаға сатқанын анықтады.

Осы факт бойынша Алматы Мамандандырылған ауданаралық экономикалық сотының 27.05.2024 жылғы шешімі бойынша, мәмілені жарамсыз деп тану туралы прокуратураның талап арызы қанағаттандырылды", - делінген хабарламада.

Прокуратура шаралары бойынша 2,5 мың м2 және 1,87 гектар жер учаскесі мемлекетке қайтарылған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!