+7 (777) 001 44 99
Қазақша
Русский
English
22 ақпан 2023 | 10:43
Алматыда Toyota Camry жүргізушісінің жол ережесін өрескел бұзғаны видеоға түсіп қалған
Алматыда Toyota Camry жүргізушісінің жол ережесін өрескел бұзғаны видеоға түсіп қалды, - деп хабарлайды Tengrinews.kz тілшісі.
ПОДЕЛИТЬСЯ
Алматыда Toyota Camry жүргізушісінің жол ережесін өрескел бұзғаны видеоға түсіп қалды, - деп хабарлайды Tengrinews.kz тілшісі.
Оқиға 20 ақпанда кешкі сағат 18:40 шамасында Қажымұқан көшесі мен Достық даңғылы қиылысында болған. Оқиға Tengrinews.kz оқырманының бейнетіркегішіне жазылып қалған, ол құқық бұзу сәтін редакцияның WhatsApp +7 777 001 44 99 нөміріне жолдады.
Кадрларда видео авторы Қажымұқан көшесімен шығыс бағытта жүріп бара жатқаны көрсетілген. Достық қиылысына дейін қызыл бағдаршам жанып, жүргізуші тоқтайды. Алайда оның артынан келе жатқан Toyota Camry жүргізушісі күтпеуді ұйғарып, қарсы жолақпен видео авторын басып озып, бағдаршамның қызыл түсіне өтіп кетеді.
Tengrinews.kz видеоны қалалық Полиция департаментінің баспасөз қызметіне жолдады. Ведомство оқиғаға жауап беріп, құқық бұзушыны анықтауға кірісті. Үш сағат өткен соң тәртіп сақшылары жүргізушіні тауып, үстінен хаттама толтырылғанын хабарлады.
"Жергілікті полиция қызметі басқармасының мәліметінше, сигналға ден қою аясында құқықбұзушыға қатысты шаралар қабылданды. Ол 2002 жылы туған А. есімді азаматы болып шықты. Оның іс-әрекеттерінде ӘҚБтК-нің 599-бабы 1-бөлігі және ӘҚБтК-нің 596-бабы 2-бөлігі бойынша құқық бұзушылық белгілері байқалды.
Құқық бұзушылық құрамы бойынша әкімшілік хаттамалар толтырылды. Материалдар сотқа жіберілді. Құқық бұзушыға қатысты әкімшілік шара қолданылды", - деді Алматы қалалық ПД ресми өкілі Салтанат Әзірбек.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
